მსოფლიოში არსებობს ცნება: „Mile High Club". ეს არის კრებითი სლენგური დახასიათება ადამიანებისა, რომლებიც მიმართავენ სექსს თვითმფრინავის ფრენის პროცესში.  

„ავიასექსის მოყვარულთა კლუბი" დიდი ხანია, რაც არსებობს. ამ მოძრაობის პოპულარობას განაპირობებს მისი წევრების ლტოლვა განსაკუთრებული შეგრძნებებისაკენ – თვითმფრინავის ვიბრაცია და დაბალი ატმოსფერული წნევა ხელს უწყობს ინტიმურ შეგრძნებათა სიმძაფრეს.

„Mile High Club"–ის დამფუძნებლად ითვლება ავტოპილოტის გამომგონებელი ლოურენს სპერი. 1916 წელს ქალაქ ბაბილონის (ნიუ–იორკის შტატი) თავზე თავის მფრინავ აპარატზე მან პირველმა განახორციელა ინტიმური სიახლოვის მცდელობა, რის შედეგადაც აეროპლანი ჩავარდა  წყალში, მაგრამ არავინ დაღუპულა.

ზოგს  უმართლებდა, როგორც, მაგალითად, რიჩარდ ბრენსონს, რომელიც ამ კლუბის წევრი გახდა 19 წლის ასაკში, მაგრამ წარუმატებლობები  უფრო სჭარბობდა, მაგალითად: უბედური შემთხვევა იმის გამო, რომ პილოტი  ინტიმურ ურთიერთობაში გაება პატარა თვითმფრინავის მართვისას; 2006 წელს დააპატიმრეს წყვილი, რომელიც ეკიპაჟის გაფრთხილების მიუხედავად  სექსს დაკავდა; 2007 წელს ავსტრალიის ავიაკომპანია „Qantas,"–ის სტიუარდესა ლიზა რობერტსონი გაათავისუფლეს სამსახურიდან, რადგან რეისში დარვინიდან ბომბეიმდე ბიზნეს კლასის ტუალეტში სექსით იყო დაკავებული მსახიობ რალფ ფაინსთან.